Aste Santu honetan Oñatik eskaintza zabala izango du zure egonaldia benetan aprobetxa dezazun. Herriko ostatuetan edota autokarabana gunean geldituta, edota Gasteiz, Bilbo eta Donostiatik etorrita, besoak zabalik hartatuko zaituztegu!
Aste Santuko programazio berezia
ARRIKRUTZ-OÑATIKO KOBAK
Egun hauetan bada Gipuzkoako kobazulorik handiena ezagutzeko aukerarik. Ordubete inguruko bisita gidatuak eskeiniko dira egunero apirilak 1 eta 5 artean. Pasabide eroso baten zehar, edonork egin dezaken ibilbide honek aukera paregabea eskeintzen du kobazuloen mundua gertutik ezagutzeko. Parte hartzeko aurrez erreserba egitea beharrezkoa da, 943 082000 edo arrikrutz@onati.eus helbidean.
BISITA-GIDATUAK HERRIGUNEAN
Apirilak 1 eta 5 bitarte Oñatira bertaratzen denak aukera dauka “Oñatiko Altxorrak” ezagutzeko. Ordubete inguruan herrigunetik zehar ibiliz Oñatiren historia eta ondare artistikoa ezagutzeko Oñatiko Turismo Bulegoak antolaturiko bisita-gidatuak dira berauek.
Bisita-gidatu hauekin batera San Migel errotaren Interpretazio Guneak iraganeko garaiak gogora ekarriko ditu. Errota honetan Oñatiko jauntxo ziren Gebaratarrentzat aleak nola ehotzen ziren ikusteko aukera izango da, turismo bulegora etorri besterik ez duzu egin behar!
Txokolateixia Interpretazio Gunean Oñatiren aurpegirik gozoena ezagutzeko parada izango da. Kakaoa eta Oñatiren arteko harreman historikoa ezagutzeko aukera egongo da eskainiko dituzten bisitetan, hori bai, erreserbapean! Deitu 605763595 zenbakira.
ASTE SANTUAN NATURAREKIN BAT
Aste Santu hauetan udaberriko egunik ederrenetakoekin apaindua izango da Oñatiko ingurunea. Aukera ezin hobea Arantzazuko Santutegiraino gerturatu eta bertako parajeekin gozatzeko. Santutegiaren estilo kontenporaneoarekin zizpriztindu eta Oteiza, Basterretxea edo Txillida bezalako artistekin topo egin nahi izanez gero bisita-gidatuak eskura daude.
Arantzazura bertaratzean Aizkorri-Aratz Parke Naturalaren ateraino iristen da bisitaria eta aukerak anitzak dira naturgune honek eskeintzen dituenak. Ibilbide xamur baina ederra da Gomiztegirainoko ibilbide egokitua eta, nola ez, erkidegoko gailurrik gorenetako airea arnastu nahi duenak Urbiako zelaigunetara doan bidea jarraitzea besterik ez dauka.
Parketxeak ere ateak irekita izango ditu egunero aste santuan, informazio gehigorako 943782894 zenbakira deitu.
Pottokalekuren eskutik europako zaldi zaharrena den pottoka ezagutzeko aukera izango duzu baita, dei iezaiezu 670274461 zenbakira.
Bertako gastronomiarik onena Aste Santuan
Bertako jakirik gozoenak dastatzeko aukera izango da bertako jatetxe eta tabernetan. Baita, Oñatin bertan ekoizten diren produktu gastronomikoak eskuratzeko ere, txokolatea, txakolina eta Idiazabal gazta adibidez. Larunbatero ospatzen den azokan ere herriko produktuak eskuratu ahal izango dituzu!
Gomiztegi baserri eskolak ere bisita gidatuak eskainiko ditu artzaintza eta gaztagintzaren inguruan, ez ahaztu erreserba egitea! Informazio gehiagorako 943251008 zenbakira dei ezazu.
Bisita gaitzazu!
