Zubi honetarako Oñatik honako eskaintza izango du zure egonaldia benetan aprobetxa dezazun.
Zubiko programazio berezia
BISITA-GIDATUAK HERRIGUNEAN
Abenduak 6 eta 10 bitarte Oñatira bertaratzen denak aukera dauka Oñatiko altxorrak ezagutzeko. Ordubete inguruan herrigunetik zehar ibiliz Oñatiren historia eta ondare artistikoa ezagutzeko Oñatiko Turismo Bulegoak antolaturiko bisita-gidatuak dira berauek, 13:00etan eskainiko dira. Bisiten inguruko informazioa eskuratzeko edota erreserba egiteko 943783453 zenbakira deitu!
Bisita-gidatu hauekin batera San Migel errotaren Interpretazio Guneak iraganeko garaiak gogora ekarriko ditu. Errota honetan Oñatiko jauntxo ziren Gebaratarrentzat aleak nola ehotzen ziren ikusteko aukera izango da, turismo bulegora etorri besterik ez duzu egin behar!
Txokolateixia Interpretazio Gunean Oñatiren aurpegirik gozoena ezagutzeko parada izango da. Kakaoa eta Oñatiren arteko harreman historikoa ezagutzeko aukera egongo da eskainiko dituzten bisitetan, hori bai, erreserbapean! Deitu 605763595 zenbakira.
ZUBIAN NATURAREKIN BAT
ARRIKRUTZ-OÑATIKO KOBAK
Egun hauetan bada Gipuzkoako kobazulorik handiena ezagutzeko aukerarik, ordubete inguruko bisita gidatuak eskeiniko dira. Pasabide eroso baten zehar, edonork egin dezaken ibilbide honek aukera paregabea eskeintzen du kobazuloen mundua gertutik ezagutzeko. Parte hartzeko aurrez erreserba egitea beharrezkoa da, 943082000 edo arrikrutz@onati.eus helbidean.
“EspeleoTxiki”:
6 urtetik gorako exploratzaile sutsuenentzako bidai zoragarria lurpeko mundura, Arrikrutz-Oñatiko kobazuloen laberintora. Bi ordu eta erdiz galeriaz galeria kobazuloa deskubritu teta historiaurrean bertan bizi izan diren animaliak deskubritzen direneko abentura. Egin erreserba 943796463 zenbakian!
Datak: Abenduak 6 Ordua: 10:30
“Ilunpeko Altxorrak”
: 3 urtetik gorakoentzako abenturazko bisita. Ordu batez kasko eta beharrezko argiteriaz Arrikrutz kobaren iluntasunean argi egin eta lurpeko mundu bitxi hauetan gordetzen diren altxorren bila jardungo dute exploratzaile txikienek.
Abenduak 7> 15:00. Erreserba: Debagoiena Turismo telefonoa: 943793663
“EspeleoArrikrutz”: 18 urtetik gorakoentzako. Arrikrutz-Oñatiko koben alderdirik sakonenetaraino eramaten duen 3 orduko ibilbide espeleologikoa. Urteen joan etorrian kobazuloaren barrenean garatu diren berezitasun geologikoetara gerturatzeko aukera izanez, tartean, Arrikrutzeko exzentrika multzo handia. Aukeratu zure eguna eta erreserbatu zure experientzia!
Abenduak 7 >10:30. Egin zure erreserba!
Aukera ezin hobea Arantzazuko Santutegiraino gerturatu eta bertako parajeekin gozatzeko. Santutegiaren estilo kontenporaneoarekin zipriztindu eta Oteiza, Basterretxea edo Txillida bezalako artistekin topo egin nahi izanez gero bisita-gidatuak eskura daude 943796463 edota 943718911 zenbakian!
Arantzazura bertaratzean Aizkorri-Aratz Parke Naturalaren ateraino iristen da bisitaria eta aukerak anitzak dira naturgune honek eskeintzen dituenak. Ibilbide xamur baina ederra da Gomiztegirainoko ibilbide egokitua eta, nola ez, erkidegoko gailurrik gorenetako airea arnastu nahi duenak Urbiako zelaigunetara doan bidea jarraitzea besterik ez dauka.
Bertako gastronomiarik onena zubian
Bertako jakirik gozoenak dastatzeko aukera izango da, hori bai, etxera eramateko formatuan bertako jatetxe eta tabernetan. Baita, Oñatin bertan ekoizten diren produktu gastronomikoak eskuratzeko ere, larunbatero ospatzen den azokan.
Zubi honetan, bisita gaitzazu!